全民備戰流動睇波攻略

四年一度嘅足球盛事明天開鑼，雖然今年賽事多於香港時間晚上舉行，但遇着行街搭車或者返夜班冇得「射波」，惟有用手機緊貼賽事啦！PCCW新推出的《Now E》App，專為流動睇波而設計，一個收費便可睇勻64場世界盃直播賽事，中場仲可煲劇Kill Time，啱晒香港球迷使用。

用手機配合《Now E》程式，去到沙灘都可直播睇波。<br>售價：$980（直播64場賽事及重溫）、$98（1日通行證）

用手機配合《Now E》程式，去到沙灘都可直播睇波。
售價：$980（直播64場賽事及重溫）、$98（1日通行證）

兩機同時直播

新上架的《Now E》屬於OTT（Over-the-top）服務，經App Store或Google Play可免費下載。每個Now E用戶最多可登記5部裝置，可以同時透過兩部裝置觀看賽事，換句話說一個帳戶可兩邊睇，相當划算！現時登記更可免費收看一個月，當中包括19場免費的世界盃賽事，例如開幕、頭兩輪分組賽、16強及8強精選賽事，以及4強及總決賽等直播。新登記仲送一個月「綜合娛樂組合」，睇埋HBO GO、爆谷台等電影劇集，開波前唔怕冇節目。同時設有不同收費計劃，例如$980可購買FIFA世界盃賽事通行證，睇足64場賽事直播；若然只想捧愛隊場，也可購買一日通行證，$98可於24小時內收看賽事直播。

畫面流暢冇殘影

實際操作又點呢？小記試玩所見，介面以大圖示設計，首頁可看到「2018 FIFA世界盃」專頁，進入後再細分為賽程、分組形勢、射手榜等欄目，清晰易睇。畫質提供中、高兩個選項，用戶可按網絡接收情況選擇，當中的高畫質於高速移動畫面都沒有殘影，可惜銳利度只屬一般，在手機辨認球星較為辛苦。幸好程式支援Airplay或Chromecast功能，返到屋企可將畫面傳至大電視，成班人睇波至啱Feel。

每位《Now E》用戶最多可登記5部裝置，並支援兩部裝置同時觀看。	介面採用大圖示，並設有「2018 FIFA世界盃」專頁。	官方提供大量特備節目，由球星介紹到球賽精華都有。
設有分組排行榜，賽事形勢一目了然，還備有隱藏得分功能。	重溫賽事時可調校光暗度及音量，也可倒回或快播10秒。	測試區流動睇波的畫面色彩豐富，高速移動也未見殘影，缺點是銳利度一般。