Crazy Cart學神工廈甩尾

「頭搖又尾擺，飄移境界！」歌就聽得多，但小記唔係日本甩尾王土屋圭市，亦唔係香港飄移王James Tang，想喺香港安全咁領略飄移快感，可謂苦無門路。幸好早前有人將美國火熱嘅Crazy Cart引入香港，坐喺車仔輕輕拉桿即可大玩花式Drifting，而且佢哋除咗賣Crazy Cart，仲喺觀塘工廈設立試車場，連Model試玩後都大讚刺激！

大人細路都啱玩

飄移，在香港方興未艾，在美國卻從未冷卻，唔止大人玩，連細路都玩。Crazy Cart由出開滑板車嘅Razor研發，原先是針對兒童而設計的飄移玩具車，當初目標是3至7歲小朋友，殊不知推出後廣受歡迎，廠商遂推出成人版的中型及XL Size，前者最高負重140磅，後者最高負重240磅，換句話說連大人都玩到。結構上，三者均採用鋼骨素材打造，不過中型及XL Size除了車架較大，座椅大小及油門間距都增加不少，並加入防撞欄，碰撞時可保護玩家免受傷害。

拉桿扭軚即飄移

傳統Kart仔以電油推動，Crazy Cart則以鉛酸電池驅動摩打，再帶動小型車輪轉動。電池組由24V至36V不等，充電4小時即可玩40分鐘，咪以為佢用電就行得慢，實際上最高時速達17~27公里，所以就算唔玩甩尾，純加速都極具快感！話明係Crazy Cart，梗係「瘋狂」甩尾先好玩，玩家可先腳踏油門，左手控制軚盤，右手拿着飄移桿，入彎時扭軚至相反方向，再拉起飄移桿令尾輪自由轉向，在慣性作用下即可做出型爆嘅甩尾動作。

小朋友試駕後表示：「初頭以為好容易，但原來幾考技術，不過練熟咗就好好玩！」	Crazy Cart分為3個Size，XL（左）負重240磅、中型（中）負重140磅，而最細的Lil’ Crazy（右）則負重44磅。	賽道每次最多容納6架Crazy Cart，最啱成班Friend來玩！
採用24V至36V鉛酸電池，充電4小時夠玩40分鐘。	Crazy Cart連包裝由美國直送，一般15分鐘可組裝完成。	設有5組車輪，中間200×50充氣輪胎負責動力，前輪主力轉向，後腳輪負責甩尾。

一字記之曰「輕」

聽落好簡單，玩落又點先？小記試玩時發覺座椅相當貼地，所以速度感比想像中強得多，同時油門、軚盤及飄移桿頗為靈敏，輕微動作已有很大反應，小記頭幾次甩尾都打「白鴿轉」。有份引入Crazy Cart的Alex教路，想玩得叻竅門在於「輕」，扭軚、拉桿都要輕力，練多幾次便能做出360度旋轉、打8字、飄移入彎等高難度動作。「由於車身沒有迫力，減速時只要向相反方向扭軚90度便可，切忌踩油門令車身旋轉。」

軚盤上的箭嘴代表行駛方向，轉向比例為1:1，90度左右旋轉即可減速。

飄移桿帶動後輪，拉動時後輪可透過慣性產生甩尾效果。

Crazy Cart不乏改裝樂趣，例如在防撞欄鋪上海綿提升緩震效果，甚至加LED燈。

Crazy Cart不乏改裝樂趣，例如在防撞欄鋪上海綿提升緩震效果，甚至加LED燈。

3,700平方呎試車場

由於操作需要一定技巧，Alex遂與朋友斥資六位數字，於觀塘工廈設立室內試車場，佔地3,700平方呎並設有多個彎位，提供安全帽及護具供試車之用，小朋友駕駛時更有輔導車從旁協助。賣車以外，現場還提供改車服務，Alex解釋：「咪睇佢車仔細細，其實有好多升級空間，例如在車底加入LED燈、貼上拉花、加固防撞欄、強化電池等。另可加入遠端截電裝置，在失速時透過遙控截電，新手自然玩得更加放心。」