Heidi練跑聽歌Smart B-Trainer隨心變奏

以為少女姐合Super Girls的Heidi戴上Sony Walkman耳機?其實只答啱一半。Smart B-Trainer (SSE-BTR1)整合了6大感應器於一身,既可用來聽歌,又能同步記錄心跳、路程、速度等,更厲害是會因應用家心跳的快慢,選播不同節奏音樂來提示加速及減速,令訓練更有成效,難怪鍾意跑步嘅Heidi咁Like啦!

內置6種感應器

Smart B-Trainer(SSE-BTR1)採用跟W系列Walkman相同的掛耳式設計,雖然Size變得略大,但重量只是43g。機身內置心跳率、GPS、加速計、陀螺儀、電子指南針及氣壓計6種感應器,可量度心跳、卡路里、距離、時間、速度、配速、步頻、步數、步幅、跑步路線及海拔資料,可將資料無線同步至手機專用程式《Smart B-Trainer for Running》儲存,還備有詳盡圖表分析表現。

自動提你加速減速

新機聰明的地方是可感應用家心跳率,自動播放啱節奏的音樂,如跑者跑得太快或心跳率太高,機身會自動選播節奏較慢的音樂提示用家減速,反之亦然。其他功能亦針對跑步而設計,如機身具備IPX5/IPX8防水能力,無懼落雨或被汗水濺濕,使用後以清水沖洗即可。Heidi仲大讚佢嘅顏色選擇多,女生可揀粉藍、粉紅或白色,男生則可揀黑或螢光黃色,啱晒唔同跑友使用。

同場加映:X11喇叭的骰好玩

Sony繼之前推出SRS-X1球形喇叭後,今次新款SRS-X11改玩骰仔設計,其邊長只有61mm,還加入手繩位可配上附送的矽膠手帶,帶出街聽歌都好方便。音色方面,它內置45mm全音單元,另於機身兩側各加入Passive Radiation被動式輻射裝置提升低音效果,總輸出功率達10W。想更好玩的話,可買齊一對X11,只要按「Add」鍵再將兩部喇叭經NFC一拍,即可將之分成左右聲道播歌,營造出更強包圍感。

撰文:布偉倫

攝影:張群生、胡振文

查詢電話:2345 2966