MINI One 5-Door親民掛歐

買歐洲車定係日本車，今時今日廿幾萬元的相若車價，好多人都會有「選擇困難症」。近日歐系的MINI又有新成員抵港，就係大玩實用的MINI One 5-Door，五門揭背兼空間實用正是最強賣點，售價逾$24萬經濟親民，揀歐定日？應該好易有決定吧。

售價：$248,800起

體積增加空間見使

香港人買車好簡單，要實用兼物有所值。MINI One 5-Door顧名思義打起五門揭背方便實用旗號。新車長度較三門版本多161mm，軸距亦有72mm增長，空間更見使。打開揭背尾門後，278公升的尾箱雖不算大，但比起三門版本已多了67公升，摺合後座載物量更可增至941公升，因此能在車迷心目中取得高分。

玩樂不忘實用

第三代MINI無論三門或五門版本，廠方都注入玩樂加實用元素，中控台大圓屏幕沒變，下方加入了紅色一按式「着車」鍵，至於冷氣旋鈕及霧燈掣排列有序，美觀又方便；重疊式圓形儀錶板，中央顯示車速而左邊則是引擎轉速。外形方面，鬼面罩面積大了一點，頭冚前端角度拉斜了，樣子更有趣，頭燈加入LED日間行車燈後，美觀感更強之餘，亦追上了現行汽車潮流。

放大圖片

全新儀錶板採用重疊式設計，右方為油缸顯示計。

採用紅色一按式着車掣，既型仔又話題十足。

低油耗車價吸引

MINI One 5-Door搭載1.2公升三汽缸引擎，配合TwinPower Turbo雙渦輪增壓器，可輸出102bhp馬力及180Nm扭力，加上六前速自動波箱，單人駕駛起步爽快，但相信滿座時，頭段需要一點時間加速。試駕時行車穩定，作為日常使用其實相當足夠。引擎注入燃油直噴技術及可變進排氣凸輪軸調節系統，提升工作效率，減低耗油量，廠方公布的平均油耗低至4.9L/100km，新車糅合實用、舒適、慳油及美觀，售價$248,800起，放棄日系車屬合理選擇。