日韓4K TV 畫質互片

X8500定價吸引

機Gor上年同朋友講，想換部4K TV，佢哋嘅反應係「咁貴點買呀！」當時Sony 84吋X9000系列開價廿幾萬，確實令不少人望「機」輕嘆。事隔一年，最新X8500系列已親民得多，55吋型號叫價四萬多元。最吸引是用料冇將貨就價，沿用4K X-Reality Pro影像引擎，可將Full HD視訊增線至4K，就算市面冇4K影碟都唔使怕。同時支援One-touch Mirroring手機連接功能，用電視玩Apps都咪話唔過癮。

F9000體感操控

Samsung電視出名色彩感強，喜歡的會稱之味濃，討厭的會覺得係味精，但機Gor每次經過影音舖，第一眼總被佢吸引。當中旗艦級F9000系列4K TV最受人注目，採用Quadmatic Picture Engine影像引擎，輪廓邊位極之銳利，就算將畫面局部放大都唔會起格。而同廠Smart TV的上網功能、體感系統、語音操控等均全部有齊，豎起拇指便能於facebook讚好、講句嘢即可調節音量，相當好玩。

遙控器內置NFC功能，以對應的手機一拍即能連接。	F9000系列售價：$49,980（55吋）、$74,980（65吋）	Smart Touch遙控器具備觸控區及收音咪，操作上網極方便。

4K解像度知多啲

很多人以為4K只係1,920×1,080（Full HD）的4倍，即3,840×2,160解像度。其實因應不同顯示比例，其畫面解像度會相應改變，好似Sony 4K投影機VPL-VW500ES支援16:10畫面比例，解像度便達4,096×2,160。而拍攝4K電影時採用的1.85:1畫面比例，4K解像度相應為3,996×2,160。如各位有睇過YouTube的4K試片，便會發覺它沿用4:3畫面，解像度為4,096×3,072，可見4K畫質並非一成不變。

Round1 Draw X8500播放變色龍出現一幕，皮膚的色彩漸變表現得細緻自然。	F9000播放小朋友玩肥皂泡一幕，連肥皂泡爆開濺出的水花都一清二楚。	Round2 X8500要利用遙控器0~9數字鍵來輸入英文字母，有點不便 。

Round1 點對點分析

測試4K TV的畫質，最頭痛是搵4K訊源，皆因市面既沒有4K藍光碟，又不能用倍線裝置。好彩機Gor人面廣，喺老友中環開嗰間AV Life，搵到Sony及Samsung原廠提供的4K Demo播放器，能夠點對點輸出至4K電視。影音專家Herbert話：「Sony原廠4K試片以大自然風景為主，突出X8500系列色彩真實的優點，可見暗位層次細緻分明。而Samsung原廠4K試片偏重顯示人物及城市，輪廓銳利感遠超Full HD，色彩偏向鮮艷。」

瀏覽器不支援Flash，有些影片不能播放，但可透過Apps上ontv播片。	以F9000的虛擬鍵盤打字會顯示相關字，亦可透過體感操控。	Win 以瀏覽器上on.cc東網，能流暢播放當中影片，靈活性較佳。

Round2 上網鬥方便

今時今日乜都講上網，兩機作為頂級型號，自然內建Wi-Fi功能。先講X8500系列，它可揀Apps直接瀏覽facebook、YouTube等，亦可輸入網址搜尋網頁，不過要透過0~9數字鍵來打英文，機Gor就唔係咁習慣。而F9000嘅網絡功能相對全面，除了可透過Apps或輸入網址來瀏覽網站，打英文字時又有相關字，同時支援Flash，上on.cc東網睇片極之流暢；加上可透過體感將手掌變成滑鼠，功能稍勝一籌。

Round3 Win 以NFC手機輕拍遙控器，便可將畫面傳至X8500，玩Apps都掂。

進入設定畫面揀選Screen Mirroring，即能於F9000作鏡像顯示。

Round3 手機鏡像傳送

為了簡化操作，新一代電視都支援手機當遙控器使用，方便輸入文字、調校設定等，X8500更進一步引進One-touch Mirroring功能，只需以對應NFC的手機輕拍遙控器即可互通，將手機畫面以鏡像形式傳至電視，用來上網、打機、睇片都一流。F9000亦支援類似技術，以手機進入設定畫面並揀選Screen Mirroring作鏡像顯示。雖然兩機功能相若，但論易用度，機Gor較鍾意X8500嘅一拍連接功能。

X8500規格表

解像度：3,840×2,160

影像處理引擎：4K X-Reality Pro

背光技術：LED分區背光技術

3D顯示：主動式

F9000規格表

解像度：3,840×2,160

影像處理引擎：Quadmatic Picture Engine

背光技術：極致光暗調節技術

3D顯示：主動式

達人教路：AV Life店長Herbert：「售價回落諗得過！」

「新一代4K TV嘅售價已大幅回落，入場價四萬多元都算合理。不少人擔心4K訊源不足問題，其實4K已是電視大趨勢，4K藍光機、4K多媒體播放器相信會於2014年主導市場，就算現時冇乜Video Source，但電視本身已有4K增線功能，播一般影碟都可令畫質超越Full HD水平，用家值得考慮。」

機Gor Report：鹹魚青菜各有所好

作為電視界龍頭、擁有最先進Panel廠和頂級顯示技術，兩款4K TV的畫質已沒有挑剔地方。至於各位要自然度多啲定色彩感強啲，鹹魚青菜各有所好，建議親身落去影音舖，睇吓邊部合眼緣再作決定。而機Gor由CRT顯像管年代已用開Sony，見證過佢最輝煌時刻；加上今次劈價劈得咁狠，同級型號平對手「五叉嘢」，等我即刻問吓老友Herbert幾時有貨先！

Profile

機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor　

查詢電話：2295 3398