華山文創園區 Google 8 大場景 好玩到「雲」

原來Google正舉辦「A Day with Google」活動，透過8大生活場景深入介紹一系列Google雲端服務，好似Google Keep多功能記事、Google Translate相片翻譯等！現場仲有Chromebook手提電腦等任你玩，場館明天起至11月24日會開放畀公眾入場，路過台北嘅話記得去玩！

重點場景睇真啲

放大圖片

健身房 地圖模擬

健身房 地圖模擬

現場擺放咗部ProForm TDF Centennial健身單車，內置彩芒顯示Google Maps地圖，可模擬實際路段，自動調校腳踏阻力。

睡房 資訊隨時搜	客廳 「名畫」添品味	捷運站 娛樂探索

睡房 資訊隨時搜

睡房以和式設計，仲有榻榻米畀參觀者休息。用家可利用手提裝置的Google Now與搜尋頁面結合，顯示用家所需資訊如天氣、航班等。

書房場景以中式設計，擺放咗唔少陶瓷擺設，好像真。	Hangouts可供最多10人作視像會議，仲可加入卡通濾鏡。	新增圖片翻譯功能，一掃即可翻譯。

客廳 「名畫」添品味

在客廳中擺放Gadgets，利用Google Cultural Institute顯示名畫、自然圖片等資訊，十足一個網上博物館。

捷運站 娛樂探索

場景激似真實環境，尤其係指示牌超逼真。參觀者可利用新增的「探索」功能，自動找出附近的餐廳、戲院等。

利用關鍵字「How to」再輸入相關菜式名稱，即可搵到教學短片。

日本YouTuber西村亞美即場示範用Voice Search語音搵資料。

視像、記事 公私皆宜

Gmail、YouTube等Google服務一大籮，但很多人都唔知呢啲功能可以融入生活中，為此Google特別打造體驗館，將紅磚六合院劃分成8大場景，包括捷運站、銀行金庫、睡房、廚房、書房、客廳、健身房及峇里度假屋。好似書房場景入面就介紹一系列工作啱用嘅Google服務，除大路嘅Gmail電郵外，亦教大家用Hangouts與同事視像通話，以Google Docs與同事共同編輯文件。而Google Keep多功能記事工具可記低文字、相片、清單甚至錄音，方便將內容與智能裝置同步，如果用Android手機仲可加入鎖頁Widget作快速記事。

HP Chromebook（左）白色超靚仔，自家出品Chromebook Pixel（右）則規格較強。

同場備有Nexus 5手機與Nexus 7平板，參觀者都爭住試玩。

圖片翻譯 外遊啱用

現場最正嘅場景可說是峇里度假屋，稻草屋頂加上小泳池布置極似當地Villa。呢個場景介紹嘅Google功能同旅行有關，包括自動顯示航班及天氣資料嘅Google Now，它會隨用家身處嘅地點自動轉換介面。去到外地經常見到唔識解嘅標示，呢方面Google Translate嘅圖片翻譯新功能就幫到手，用家只要影低圖片，再於App內將文字Highlight便能自動翻譯，仲支援超過60種語言！另增設「離線語言」功能，可事先下載翻譯所需語言，外遊必備。

日本YouTuber邊煮邊Search

另一個比較過癮嘅場景係廚房，大會特別搵嚟日本YouTuber西村亞美，即場示範點樣用Google服務協助下廚。西村嘅YouTube Channel經常有不同類型菜式短片，原來唔少靈感來自Google Search，佢話下廚時因為唔方便輸入文字，所以周不時會用語音搜尋搵資料，仲教大家輸入「How to」搵出煮食教學短片添！

同場加映：Gadgets任玩

除咗雲端服務之外，Google嘅硬件同樣受到關注。現場除咗有Nexus 7平板和Nexus 5手機供試玩之外，手提電腦方面則擺放咗HP、Samsung嘅Chromebook，當然唔少得自家出品Chromebook Pixel。而Chromecast則可透過HDMI連接電視，再於Android、iOS裝置以《Chromecast》App將畫面同步至電視。

活動詳情

地址：華山文創園區紅磚六合院西一館

日期：2013年11月22至24日

入場費：免費

特派記者：林子聰

鳴謝：Google