大白菜打喪屍

「植物打喪屍」上集人氣爆燈，近日終於推出《Plants vs. Zombies 2》，今次遊戲玩穿越時空，好像第一版會將舞台移師古埃及，既可為植物加入輔助工具增強威力，喪屍設定亦變得威武，連帶可以虛擬金幣開啟特定必殺模式，透過觸控畫面電擊、吹走及剪殺喪屍。新植物方面，有似足拳手嘅大白菜，可以向前向後出拳攻擊。遊戲收錄3個世界共有60個關卡，不過首先只會喺iOS平台推出，Android用家要多等一陣啦。