原野烹飪 營火樹枝「Raw」燒雞

紮爐架添風味

各位睇吓身邊男士，有幾多個連BBQ「透爐」都未搞得掂呢？今次特別搵嚟烏溪沙青年新村原野烹飪導師葉Sir教路：「原野烹飪同露營野炊唔同，前者盡量利用大自然資源，爐具一律唔用，所以亦有人稱之為無具野炊。」既然冇爐又冇火，首先當然要搭個爐先，葉Sir表示：「其實紮爐架方法有好多，較簡單係製作三腳架，用竹枝或樹枝紮成兩個架，甚至可利用樹枝丫叉代替，再加上長樹枝作橋樑，便完成一個基本爐架，最啱用嚟燒雞、乳鴿等家禽，這種烤法嘅好處係可控制火候，倍添風味！」

「三級」起火程序

有咗基本爐架，燒烤當然要有火。「首先執一大堆乾身的松針和枯葉，再去草叢搵粗幼枯枝數十支助燃；抓枯葉時如果聽到『薯片聲』就代表合乎標準啦。之後便可進入『三級』環節！」別心邪，其實葉Sir所講嘅係燒着燃料的3個程序，第一級是燒着燃點較高嘅松針、枯葉提升溫度，再逐步加入幼枯枝，待火勢開始穩定後，最後才擺放粗枯枝，順序慢慢加便可起到靚火。」聽落好似幾難，實情Model在場試咗兩次左右就成功，以後起Campfire方便得多。

枯枝於一般郊外好容易搵到，玩原野烹飪前可先留意一下環境。

將3支竹枝疊埋再紮緊頂部，之後平放三腳就完成三腳架。

食材要識揀

葉Sir話原野烹飪除咗要學識點樣起爐和生火，煮食都有很多竅門：「就算係簡單食材，只要在處理和調味上多花心思，一樣可做出與別不同菜式。」葉Sir即場示範燒春雞、鹽燒大眼雞、蛇麵、甜椒肉等。「其實食材冇咩限制，不過又唔可貿貿然選擇，例如燒魚的話，就不能揀肉身太散的魚，否則便需要用蕉葉裹着魚身；而家禽的話，一定不可用幾斤重的大雞，太難熟喇！另外，初學者亦盡可能唔好燒蟹、大蝦等海產，因為火候較難控制，容易外熟內生。」

Step 1：要成功起火，松針、枯葉及不同粗幼的枯枝，各扮演不同角色，別以為枯枝就冇用。	Step 2：打火石或鎂棒係Camp Cook好幫手，在易燃物料上一擦即出火苗。	Step 3：最後逐步在枯葉上加入粗幼枯枝即可。如果驚搵唔到枯枝的話，帶定一包炭亦可。

原野烹飪課程

參加人數：10人以上開班（需年滿9歲或以上，費用視乎人數及食材而定）

將麵粉和自發粉加水、加鹽或糖之後搓成麵糰，再等1小時發酵即可。	鹽燒大眼雞 大眼雞魚油多而且皮硬，比較容易烹調，簡單用粗鹽、檸檬汁醃製，再用樹枝叉住或蕉葉包住來燒即可。	燒春雞 「燒春雞要事前用鹽、蒜、葱放在保鮮袋醃一晚，難度在於雞胸和髀位較難熟，細細隻都要燒近1.5小時，需要有耐性！」

地點：烏溪沙青年新村

甜椒肉 將肉碎加蒜、鹽再釀入甜椒內燒熟，亦可將甜椒改為橙、菠蘿等生果，味道更特別。	大蕉葉是相當好的食具，用來包裹可令食物更香；葉莖則可用來做繩，一物多用。	放大圖片

前往方法：港鐵烏溪沙線馬鞍山站沿鞍駿街方向步行5至10分鐘

查詢電話：2642 9420

郊外能否隨意生火煮食？

根據「郊野公園遠足安全指引」，遊人切勿在非指定的燒烤地點或露營地點生火煮食，所以大家去到沙灘或者荒山野嶺唔應該隨便生火，以免發生危險。葉Sir表示，想更接近大自然環境玩原野烹飪，大可前往露營區，因為大部分露營區附近都會有燒烤爐。

營地推介

1.鶴藪營地：鄰近鶴藪水塘，設有40個營位，四周有大量樹木，而且更有溪流，環境好寫意！

2.南山營地：大嶼山郊野公園最大的燒烤場，營地寬敞，加上有大草地，玩Day Camp一流。

撰文：林子聰

攝影：陳世昌

模特兒：Carol Wong