T-02D絕色瀛芒影水着

今個夏天颱風特別多，韋森特、啟德等輪住襲港，勁掃興！這邊廂颱風打得勁，那邊廂「瀛Phone」浪潮同樣唔輸蝕，一系列夏季水貨機排住隊前來，最近就有呢部DoCoMo T-02D，結合New AMOLED Plus絕色靚芒、1,310萬像素Exmor R鏡頭及IPX5/8防水規格於一身，最適合用來影陽光與海灘、靚人與美景，一於為今夏水着寫真作最後衝刺！

售價︰$5,080

9.9mm薄握感舒適

自Toshiba的手機部門被Fujitsu併購後，Regza系列手機便收歸後者旗下，但事實仍有不少機款由Toshiba代工，今次T-02D便是一例。外形上，它維持同系手機的硬朗線條，棱角分明兼充滿肌肉感，厚度只有9.9mm，重量亦僅為139g，加上機側呈微弧形，握在掌心舒適感十足。顏色則有粉紅、藍及黑色任君選擇，全部經過電鍍處理，不但分外搶眼，仲可減低印上指模嘅機會，唔使成日抹。

對比度高120倍

今時今日，很多日系機都用上720p屏幕，雖然T-02D沒有跟風，解像度只有960×540，但別以為其質素會被比下去，相反它卻是今夏的日系芒王。全賴嶄新的New AMOLED Plus面板，跟Samsung用過的Super AMOLED Plus技術同出一轍，備有高反應、高對比度等優點，兩項數字都比傳統TFT屏幕高出120倍以上，不但打機睇片冇鬼影，黑位仲零舍實淨。小記目測所見，拍埋GALAXY S III等機王身邊毫不輸蝕！

採用DoCoMo的Palette UI介面，提供最多12版首頁。

提供Slide Launcher介面，可放入常用工具。

捽一捽手指登記指紋，方能使用指紋開機。

辨識指紋兼防水

日系手機出名影相靚，T-02D機背便搭載1,310萬像素Exmor R鏡頭，提供柔焦、魚眼及Toy Camera等12種影相特效之餘，仲支援HDR合成，系統會分別對前景及後景進行測光，然後合成出最鮮明的一面，就算現場環境幾大反差，甚至大背光都冇有怕！其他功能方面，支援IPX5/8防水係意料中事，最驚喜是它把Fujitsu手機常見的指紋辨識器移植過來，電話簿、相片、影片都可用指紋鎖死，夠晒保密。

提供4級節能模式，並可自定啟動時間。	考慮到防水設計，microSIM卡及記憶卡均設於電池底。	機背設有1,310萬像素鏡頭及指紋辨識器。
開關及音量掣設於左側，使用時亦算方便。	所有介面都設置防水保護蓋。	9.9mm機身唔算超薄，但機側微曲，手感不俗。
試片區 New AMOLED Plus屏幕的反應速度比TFT快120倍，就算睇賽車都唔覺鬼影出現。	試相區採用HDR合成，模特兒及背景皆曝光準確，雜訊亦處理得相當好！