迎接數碼電台 熱捧米字旗
香港數碼電台乃城中熱話，不僅廣播音色能媲美CD，不同資訊仲會以文字和圖案顯示出來，更添吸引！然而，對於女仔來說，冇理由要佢哋拎部「麻甩佬」收音機，去沙灘或聚會時聽節目。
好在近期數碼收音機愈出愈靚，如Pure剛發布的Evoke Mio Union Jack便米字旗上身，連o靚模LuLu都話：「不但食正數碼電台熱潮，仲夾埋至Hit嘅英倫風，帶出街肯定型爆！」
迎接體壇盛事
數碼電台試播了近一年，逐漸步入成熟期，連平時喜歡聽Phone-in節目的LuLu，都準備添置一部數碼收音機。但傳統機款又笨重又老套，幸好Pure近日推出一系列便攜式數碼收音機，LuLu表示：「我除了鍾意佢米字旗設計夠靚、顏色夠Sharp外，最重要是機身夠輕，帶出街擺落袋剛剛好。」當中全球限量300套的Evoke Mio Union Jack紀念版，是廠方為英女王登基60周年及倫敦運動盛事而推出，機面印有米字旗，望落猶如名牌手袋一樣。
聽足一日冇問題
試聽之後，LuLu大讚Evoke Mio Union Jack的收音功能，皆因它兼具DAB及FM廣播，還可預設30個頻道，㩒個掣就聽到心水節目，更內置鬧鐘及計時器，一機多用。電台接收功能以外，新機另提供Aux In及mini USB等介面，支援iPod及MP3音訊輸入，增加音源選擇。針對外出使用，機頂設有手挽，並可另購ChargePAK E1充電池，先天已比傳統電池耐用很多，加上容量高達8,800mAh，聽足24小時都唔怕冇電！
同場加映
若嫌Evoke Mio Union Jack太大部，同場還有的骰小巧的型號供選擇，女士們可對號入座。
One Mi Union Jack掌上收音
體積只有手掌般大，卻備有DAB及FM收音機功能，最多可儲存16個頻道。另一個賣點是耗電量低，只要選購ChargePAK A1電池，便能外出連續播放18小時。現在購買的話，更可免費獲得Designer Canvas Carry Case保護套（原價︰$218），女士必Buy。
One Mini Union Jack懷舊款式
大小介乎One Mi及Evoke Mio之間，按鍵移至機頂，並把調頻器放在側邊，配合白色背光屏幕，外觀更懷舊Classic。而另購的ChargePAK B1電池容量達4,200mAh，最多可連續播放20小時，由朝聽到晚都冇問題。
DJ路芙︰扮靚資訊冧女聽眾
新城電台將於9月起陸續投入數碼廣播服務，小記特別訪問了數碼音樂台DJ路芙。她表示屆時有不少節目會啱女仔聽︰「根據非正式調查，女仔最愛聽美容、保健及談情說愛的節目。開台後我們會有一個Music Show，除了會播放適合女仔聽嘅音樂如K-Pop外，還會在過場時加入一些美容及扮靚資訊，內容比以前的Talk Show更豐富！」
撰文︰陳志滔
部分攝影︰梁偉德
查詢電話︰2395 3913