哈利仔新加坡招生

戴分類帽揀學院

今次哈利仔來新加坡招生，真係人手盡用，榮恩兼職司機，駕駛佢老爹架「錢七」飛天車接送哈利，仲明目張膽地停泊在會場半空；白色貓頭鷹Hathaway海瑟美則充當知客在門口引領大家進門參觀。既然話招生，梗係要知道大家有咩料子啦！所以分類帽一早已在入口恭候大家，並決定新生們是勇敢無懼的Gryffindor（葛來芬多）、正義感強的Hufflepuff（赫夫帕夫）、睿智聰穎的Ravenclaw（雷文克勞），或者野心滿腹的Slytherin（史萊哲林）。

大小道具服飾重現

分完學院，係時候到轉角上Hogwarts Express火車到霍格華茲魔法與巫術學院，開始參觀魔法旅程，而且時光恍如倒流般，看見哈利、妙麗和榮恩3位主角，以及能聆聽動物心聲的露娜和寡言的奈威等學長們的服飾和魔杖外，原來一眾老師也來迎接新生，由前校長最偉大的巫師鄧不利多，到說話高八度的肥嬸嬸桃樂絲亦有出場，他們個個都帶齊課本和教具；路平教授更召喚出黑魔法中的心魔試煉大家心志，小心畀佢「大」到呀！

門口外泊了飛天老爺車，一睇就知展館入口在附近。	巨人海格有2.15米高，據聞只是比姚明矮一點。	雖然沒有King's Cross車站，不過火車仍為大家服務。

正邪角色齊集

睇《哈利波特》除了魔法，相信最吸引的是魁地奇球賽吧！大家會一次過見齊看守員、打擊手，以至球證所有服飾，加上狂風5號、火閃和光輪掃帚，電影中每個精彩細節慢慢重現腦海，興之所至的話，還有射籃遊戲給大家過過手癮呢！但玩時玩，也要提防佛地魔的餘黨，皆因食死人和殺害天狼星的貝拉．雷思壯會於展館後段出現，並對金杯、王冠和日記等5樣佛地魔分靈體虎視眈眈。因此同學們記得要裝備自己，到紀念品館選購魔杖、羽毛筆和學院領呔，為新學期做足準備，告別麻瓜吧！

哈利其他同學仔，如Luna和Neville的服裝也有展出。	掛畫中的人像會左搖右擺，與電影中的一樣鬼馬。	鷹馬看來有點累，還是在擔心天狼星呢？

Harry Potter The Exhibition

日期：即日起至9月30日

票價：成人SG$24（約HK$146）、SG$27連語音導賞（約HK$165）

　　　小童SG$14（約HK$85）、SG$19連語音導賞（約HK$116）

大師作品 Pop Art先驅

何謂天才？就是看似想法奇怪，但實際思想走得比人快，甚至能啟迪後世。所說的正是一代設計宗師Andy Warhol。除了Harry Potter展，同期新加坡ArtScience Museum亦舉行名為Andy Warhol 15 Minutes Eternal的展覽，各界Design Fans豈能錯過？

無論氣氛或裝束，食死人總是陰氣沉沉的。	分靈體其中5個已經集齊，請同學們小心看管，不要落入食死人手中呢！	重複的圖案配高對比的色彩，令瑪麗蓮夢露的畫像永垂不朽。
Factory工作室內，掛上Andy踏入事業高峰的相片。	Andy Warhol朝着藝術商業化的方向，將自己的作品以絲印變成各式商品。	除了畫像和產品包裝設計，人與展品互動也是Andy Warhol的創作理念。
掃貨推介 羽毛筆售價：SG$65（約HK$397） 想好似小記咁吹水唔抹嘴？咁就要買支羽毛筆連哈利波特墨水了，極可能幫大家寫出動人文章。	魔杖套裝 售價：SG$350（約HK$2,135） 想有齊哈利、妙麗和露娜等採用的魔杖？紀念館已有套裝出售，咁就唔怕買漏啦！

提到Andy Warhol，不難會聯想起連續數格不同色彩搭配的瑪麗蓮夢露、紅白鮮明的金寶湯和黑黃對比感極強的大香蕉等作品，帶出Pop Art普普藝術以日常生活物品作題材的精髓，並配合他曾說過的重複韻律性構圖，奇妙地將美感帶出，直至現在仍為人津津樂道。加上，Andy Warhol還主張藝術商業化，把作品利用絲印和彩色印刷發售，不走孤高偏鋒，反而更大眾化又深入民心，與其普普風格不謀而合，並直接為近代藝術帶來強烈衝擊！

15分鐘成永恒

為何今次Andy Warhol的展覽名為15 Minutes Eternal？原來他曾預言，在未來每個人都有機會成名15分鐘！雖然小記未敢認同，但無可否認Andy Warhol由40至80年代的創作生涯中，創作近300件展品，由他早期創作、工作室Factory時期、成名期和晚年，都不斷為藝術盡展渾身解數，就算只草草的欣賞15分鐘，他已在大家的腦海中永恒不滅！

Andy Warhol 15 Minutes Eternal

日期：即日起至8月12日

票價：成人SG$14（約HK$85）、小童SG$8（約HK$49）

ArtScience Museum

地址：10 Bayfront Avenue, Singapore 018956

時間：10:00am~10:00pm

查詢：http://hk.marinabaysands.com/singapore-museum/whats-on

TRAVEL NOTES

簽證：持BNO或特區護照均毋須簽證

機票：香港至新加坡來回經濟客位約HK$1,907起

貨幣：SG$1約兌HK$6.1

天氣：7月份氣溫約24℃~31℃

特派記者：李家俊　

鳴謝：Marina Bay Sands