上個月睇完澳門賽車，好多朋友至今嗰股熱血都未冷卻，但係想再次近距離感受賽車震撼，要等到下年11月，都咪話唔吊癮！既然係咁，不如自己落場鬥車啦！N3DS大作《Mario Kart 7》近日出籠，透過裸眼立體功能、陀螺感應器以及車手視點作賽，體驗更有質感的跑道環境，彎位轉向的距離感掌握、直路衝刺的速度快感，均更為寫實逼真。
跟上集最大分別的，莫過於砌車系統，玩家藉由「車架」、「輪胎」、「機翼」3款機件配搭，炮製出不同性能的專屬愛車，衝撞力、加速等性能亦會大幅提升。玩孖寶鍊車，高超的駕駛技術還是其次，驚險的茅招技術才是重點所在，遊戲除全面保留上集所有出術道具，如令對手賽車打滑的龜殼、蕉皮，以及阻礙對手視線的墨汁外，新加入的「火之花」可投擲火球令對手翻車；「超級樹葉」可令玩家賽車旋轉攻擊對手；而「幸運7」更可一次裝備7種道具，超級霸道。另外遊戲新設計16條原創賽道，並重新製作16條系列精選人氣賽道，部分關卡更需要玩家飛天潛水，再透過Wi-Fi連線支援最多8人對戰，相信粉絲定必磨拳擦掌，連場飆車！
類型：賽車
平台：N3DS
開發：NINTENDO
人數：1人（最多8人連線）
售價：$460
查詢電話：2770 7702
撰文：廖俊斌