新裝Coke藝廊 回味童年樂事

最近，可口可樂廠將佔地兩層的觀景廊重整翻新，並劃分為5大主題區，講歷史Show珍藏Sell環保，更可俯瞰汽水生產線，有冇興趣帶小朋友重遊舊地，回味一下童年「樂」事？一向只接受團體參觀的可樂廠，將於10月29日招呼公眾參觀，惟名額有限，大家記得快啲報名喇！

傳奇飲料 125年不衰

十個港人九個鍾意飲汽水，若要選汽水中的經典，可口可樂肯定榜上有名。原來可樂早於1886年面世，由美國藥劑師約翰巴比頓（John Smith Pemberton）研製，發明至今已125周年！1892年，可口可樂公司於美國成立，自此可樂粉絲愈來愈多，甚至成為第一個上《時代雜誌》封面的商品品牌。

可口可樂過去曾推出多款玩具模型車，將之堆砌成馬路情景，很震撼呢！	除了「觀景廊」，廠房亦設有博物館，不時轉換珍藏品，更設有多項互動玩意。	模仿Star Wars R2D2的擺設。

現時本港的可口可樂由太古經營，早期廠房設於荃灣及鰂魚涌，直至沙田廠房於1991年正式落成運作，所有生產線便搬入這幢樓高19層的大廈，同年廠房觀景廊亦正式開放予學校及非牟利團體參觀。廿年後，觀景廊翻新重開，由原本重點介紹飲品製作過程，改以「積極樂觀‧美好生活」為設計主題，並展示可口可樂在不同範疇的改變，可樂迷豈能錯過？

場內的裝置展示了可樂的演變，包括多項新發明，如世界上第一罐衝出地球的太空可樂、coke zero和冰凝可樂等。	想了解可樂廠的歷史？這幅設計獨特的展板可為你提供答案。	放大圖片

Fans必買：可樂紀念品！

對可樂迷而言，純粹睇展品，豈會滿足？場內設有小賣部，大家可到此購買紀念品，好等旅程能滿載而歸！

2008年可樂與「出前一丁」Crossover，推出電話，睇得又用得！	這款收音機兼備唱片播放功能，加上外形懷舊，令人恨不得據為己有。	參照可樂罐造型設計的小型燒烤爐，配埋木柄手挽，潮味十足。

參觀須知

可樂廠將於10月29日（10:30am）開放予公眾人士參觀，但名額只限20個，每個名額可帶一位朋友同行。有興趣者，可將個人資料（包括身份證上中英文姓名、身份證英文字字母及頭四位數字、聯絡電話和電郵）電郵至scchk@powelltate.com，先到先得，額滿即止。

場內特設環保示範單位，將飲料包裝物料循環再造，變成不同家品，例如以PET瓶製成的NAVY101座椅、由紙包飲品包裝物料製成的「彩樂板」以及由玻璃瓶製成的環保磚等，展示這些物品如何在日常家居中起裝飾作用。	放大圖片	參觀者只須站於「水分磅」，即可了解身體是否有足夠水分。

撰文：司徒德琳

攝影：郭凱敏

模特兒：吳逸駿（Sens Communications Ltd）、May（Gaiety）