Family Fishing釣企鵝新鉸作

度假島釣足15景點

遊戲入面的南國小島叫Penangkapan Island，雖然面積唔算大，但總共設有15個包括海、湖、河嘅地點畀大家垂釣，一次過可以滿足15個願望。不過遊戲一開始唔會所有景點都入到去，要不斷玩才能開啟新景點。即使唔釣魚，度假小島的環境都相當優美，隨住時間變化，景色會跟住慢慢轉變，更可以坐架遊艇周圍兜風兼釣魚，認真疏乎！

收錄千款道具配件

話明係《Family Fishing》，當然啱一家大細玩，今次廠方更為遊戲設計出專用魚鉸配件，只要將Wiimote套入這配件內，便可以扮拎住專業魚杆釣魚啦！此外，各位可以利用釣到的魚，換取點數購買各種遊戲道具，如服飾、假餌等，總數有成千款咁多，要儲齊都唔容易。至於魚類方面，數量都有成

200款，從「正常」魚類到「特別」魚類都有，好似小丑魚、車輪魚，甚至企鵝同鯨鯊都有得釣，釣完仲可以放入水族館飼養，得閒入去欣賞一番。

網上釣魚比賽

匿埋屋企釣魚，就算釣到幾大條魚都難免孤芳自賞，幸好遊戲支援網絡功能，可以參加各類型網上釣魚比賽，而官方會定期發布新魚種畀大家釣，玩得耐都唔怕悶。遊戲設有唔少任務挑戰大家的技巧，更內藏廿多個迷你遊戲，例如將魚餌拋到指定區域鬥高分等，讓各位調劑一下。雖然釣魚Game唔算大路遊戲，但《Family Fishing》各方面都做得唔錯，難怪能入選《Famitsu》金殿堂之列！