情人節櫻花許願 場享甜蜜

沙田iPad愛的宣言

想將甜蜜的情人節記錄到相機內？這個位於新城市廣場羅馬競技場，高達15呎的圓形櫻花館是好地方。館內設有多個美輪美奐的櫻花影相位，於入口兩旁的櫻花道，以低角度更可拍到掛在樓頂的櫻花串，甚有櫻花紛飛的浪漫氣氛。

同場更備有以不同國家風味設計的二人餐桌，「撐枱腳」影相效果可說一絕！還有一個特別的設計是可以讓戀人們利用iPad寫下愛的宣言，然後投影到愛情水幕，只要伸出雙手將屬於自己的愛的宣言拉到身邊，再到櫻花樹下許願，肯定冧盡愛侶！各位只需在商場以電子貨幣消費滿$200就可入場，買一件衫已經夠數，甜蜜又經濟。

地點：新城市廣場

時間：中午12時至晚上10時（今日及明日）

Check Point 1 櫻花留影 場中影相位超多，唔使飛去日本就可以預早影低戀戀櫻花。	Check Point 2 二人撐枱腳 會場設有4個不同國家主題的二人雅座（並無食物提供）畀大家影相！	Check Point 3 愛情水幕 在iPad上寫低情話或愛人的名字，便會投影出來。
愛情水幕睇見投影語句，可將情話圖案拉到身旁。

深水埗$1掃禮物

想送份數碼產品畀另一半，於情人節開幕的「深水埗腦場電腦節」就可以幫到大家。由手提電腦、顯示屏、家用遊戲機、電腦配件到記憶卡都有得平，由2月14日至2月21日展覽期間，每日更會限量推出特惠產品，如只需$1就可買到一支4GB USB手指。想為愛人搶得一份「特價」禮物，就記得明天早點起身，10時前就要到深水埗電腦商場排隊，蘇州過後冇艇搭。

地點：黃金電腦商場、高登電腦中心、新高登電腦商場

時間：早上10時至晚上10時（明日）

一條Kingston 4GB USB手指開價$1，平到笑。	想買部Wii遊戲機返屋企齊齊玩？電腦節限量優惠價只是$1,099！	一對Philips SPA 2210電腦喇叭仔限量優惠價$8。

九龍灣換朱古力花

情人節要送花又要送朱古力，有冇辦法將兩者合二為一？MegaBox就特別舉行免費換領朱古力花活動，只要在兩間商戶消費滿$800（不可同為食肆及每張單據需滿$100），就可換到一朵玫瑰造型的龍島朱古力花，是贈送給女友的至佳禮物！此外，MegaBox擺設以金、紅、綠做主色的機動孔雀，還會在桃花林旁隨音樂開屏，非常特別！

地點：MegaBox商場

時間：上午10時至晚上10時30分（今日及明日）

尖沙咀攞名牌朱古力

想搵個睇到維港海景的地方燭光晚餐，可以考慮擁有全港最長海景露天茶座的Alfresco Lane，即位於尖沙咀中心同帝國中心樓下的食肆。食得好之餘，當然還有着數，商場會在晚膳時間在食肆內大派比利時名牌Leonidas朱古力，朱古力是以嚴謹工序加上傳統方法製造，一人一粒夠晒甜甜蜜蜜。

地點：尖沙咀中心及帝國中心

時間：晚上7時30分至10時30分（今日及明日）

撰文：布偉倫

部分攝影：郭凱敏

模特兒：Zuei、Kelvin（M Spy）

場地提供：沙田新城市廣場