$6萬投影大鬥大

夏日炎炎，與其出街同人逼搞到汗流滿面，倒不如留在家中開大冷氣煲番隻靚碟。煲碟要盡興，畫面尺寸一定愈大愈好，用投影機投番個過百吋畫面就可將電影感發揮至極限。市場上兩部人氣型號JVC DLA-HD950及Optoma HD86，前者能發揮細膩的光暗變化，後者則能簡單換鏡，靈活性強，輕鬆將客廳化身為戲院，到底邊部好？即睇下文。

（左）JVC DLA-HD950 售價：$63,800<BR>（右）Optoma HD86 售價：$62,800

（左）JVC DLA-HD950 售價：$63,800
（右）Optoma HD86 售價：$62,800

JVC DLA-HD950 光暗同場

傳統投影機透過調校光圈大細去控制畫面光暗，雖能獨立營造出亮麗光位與實淨黑位，但一遇上畫面光暗同場的話，就會兩頭唔到岸。DLA-HD950透過0.7吋D-LIA晶片及Wire Grid光學影像處理器，毋須控制光圈，都能同時表現出既深黑又亮麗的層次，將50,000:1對比度發揮至極限。此外，DLA-HD950更是市場上少數同時取得THX及isf雙認證的型號，前者代表該機能表現出影碟最原汁原味的色彩畫質，而後者則表示在亮度、色彩、對比及伽瑪等多項畫質標準上都達至最高水準。

鏡頭（f=24.4~42.8mm、F=3.2~4）支援2倍電動變焦功能，輕按遙控器即能控制變焦，相當方便。	取得THX、isf雙認證，保證能呈現出影碟最原汁原味的色彩，畫質水準極高，獲業界專家認同。	設有兩組1.3版本的HDMI插口，以高階機來說插口數目算少。
設有電動式Lens Shift鏡頭調節功能，範圍達正負80%垂直、34%水平，就算樓底超高都冇問題。

畫質測試

畫質測試

試播記錄片王BD版《天與地》日出於群山一幕，太陽周圍的光位夠亮麗清晰，群山雖然背光顯得較暗，但亦不會黑到一舊舊，仍睇得出山峰間的岩石層次。

評分

電影感：4分（5分滿分）

對比度：5分

色彩：4分

靈活性：5分

規格表

感光晶片：0.7吋D-LIA ×3

解像度：1,920×1,080

對比度：50,000:1

體積：478×365×167mm

重量：11.2kg

Optoma HD86 靈巧換鏡

近年不少人之所以選擇LCD TV而放棄投影機，很大程度是因為投影機安裝上有很大局限，客廳淺窄投影距離太短固然不行，過深亦有一樣問題，Optoma於是在最新DLP投影機上引進換鏡功能，用家能選擇標準鏡（5.01米距離投影120吋畫面），如客廳有一定深度，可更換將投影距離增至7.52米的長鏡。不過香港家庭最受歡迎的應該是定焦短鏡，只需2.1米就能投影120吋畫面，配合DarkChip 3 DMD晶片，能將畫面起格情況大減，對提升細膩感及對比度都有幫助。

用家能因應家居環境而選擇標準鏡、長鏡或短鏡，換鏡過程很簡單，不用拆開主機外殼，只需輕按機頂的換鏡掣，然後扭一扭像平時換燈膽般就完成。	機頂設有手動式Lens Shift鏡頭調節功能，在不影響畫質的情況下，將畫面向垂直及水平方向調節，無論將主機裝上天花板或放置在桌上都冇問題。	備有3組1.3版本的HDMI插口，剛好可駁齊機頂盒、Blu-ray機及遊戲機。
投影時散熱風扇位沒有漏光入機身，保證投影深黑畫面時黑位夠厚實。