謝安琪（Kay）與陳奕迅（Eason）的緋聞傳個不停，雖然當事人一起出席活動時表現避忌，但私底下卻甚為老友，Kay更無懼謠言，公開稱讚對方身形fit，品味另類之餘，似乎對Eason的身材十分清楚！

前晚izzue舉行10周年慶祝派對，大會請來名模樂基兒、Rosemary、謝婷婷及黃偉文等前來撐場。其中Kay透露現正忙於為年尾頒獎禮物色戰衣。

品味另類只睇性格

她說：「老公一早已經搵到，佢眼光OKo架，可能跟得我多進步咗，但我自己就要假手於人喇，因為我身形細粒，好多大牌子嘅衫都唔啱着，（有咩衫你一定唔着？）我接受能力都幾高o架，不過就唔鍾意太少布囉，因為我怕凍，頒獎禮一坐就要幾個鐘，所以冇必要都唔會性感，最多都係短裙。（同你老公相反，佢鍾意赤膊跑步？）佢操得多想show off吖嘛！」

記者笑言她應着老公帶Eason一起做運動keep fit？她聞言即力撐Eason說：「其實我覺得Eason幾fito架，（佢腳粗？）咁呢啲係睇成個人嘅，我哋公司個年曆影到佢塊面同膊頭幾尖呀，佢不嬲變化好大。（你品味好另類？）咁我係佢歌迷咁多年，佢真係fit過o架，佢唔係高大靚仔嗰隻，但都OK，（你唔鍾意靚仔？）我係睇性格。」

謝婷婷表明渴望同男友一齊過聖誕。	Rosemary透露計劃一家人到馬來西亞慶祝聖誕。	樂基兒扮女僕竟然被老公黎明叫行遠啲，認真搞笑。

樂基兒遭黎明嫌棄

而樂基兒對於早前萬聖節被拍得以女僕造型出巡，她笑說：「我一年裏面最鍾意就係萬聖節，不過Leon（黎明）就唔係好明萬聖節嘅意義，（佢有冇讚你造型靚？）佢話『唔該你行遠啲』，仲問我咁着會唔會畀人笑添！」

此外，謝婷婷表示很希望能與男友安志杰一起度聖誕，不過由於男友要在雲南拍戲，故未能在港慶祝：「如果我有時間一定去探佢，無論佢喺邊都冇所謂，就算非洲我都會去。」她又謂剛與嫂子張栢芝午膳，並大讚她雖然腹大便便，但仍勤力湊仔，是個好媽媽！

文：名人組