「翻版關之琳」Jocelyn下月十四日26歲生日，不過她就否認是「中女」，笑言只要活得健康開心，年齡並不重要。昨日Jocelyn和黃家諾前女友Marcela一同為Piaget的「Limelight Paradise」系列擔任模特兒，其中Jocelyn示範一個湖水藍寶石的熱帶海洋系列，她表示很喜歡海洋，將來退休也希望住在湖邊。

問到如何慶祝中秋節？Jocelyn說：「我為尼泊爾學童籌款嘅學校中秋節會有活動，希望下月生日時可以有機會去探佢哋，到時帶埋月餅畀佢哋食。」對於生日後就是26歲的她被笑指「中女」？她即笑說：「唔好咁講，我覺得只要健康同開心，大家享受生活就唔需要介意年齡；而且我覺得大個都幾好呀，可以有能力買自己鍾意嘅嘢，例如珠寶，細個就只能夠幻想。」