夜間出沒

好多喜愛夜蒲嘅女仔生性開放，鍾意身穿性感服飾出街。當然，夜生活有幾好玩都好，始終要返屋企，有男仔花盡心機兜搭，仲成功奪得其芳心則另作別論。夜深時分要返屋企當然要搭的士啦！然而，的士司機遇到呢種艷女就要小心，因為較早之前就有幾個女仔打劫的士司機嘅事件發生。

日本方面，的士司機亦一樣要小心，因為早前有唔少司機遇到夜間出沒嘅艷女，以為有筍嘢睇嘅時候，卻慘成屈錢對象，而一班艷女所用嘅方法都幾老土，就係去到目的地之後大叫：「哎吔！唔記得帶銀包添！」呢個時候，相信心急嘅一定係司機。同一時間，艷女就會表示要返去拎錢找數，司機喺無計可施嘅情況之下，需要陪同艷女拎錢喇！

色誘上房

司機搵好地方泊好部搵食車之後，就會跟住艷女出發，而目的地一般只有一個，就係時鐘酒店房喇！事實上，呢班艷女都係風俗娘，間房其實就係搵食地方，平時用嚟招呼客人作炮房之用。若然當晚冇咩生意，艷女則利用唔記得帶錢呢個方法，主動吸引司機上房。

當然，入咗房之後，艷女都唔會有錢畀司機，因為佢哋使出嗲功嚟百般誘惑，令司機色心大起，繼而答應艷女開出以身體償還車資嘅條件。不過，大家唔好以為班艷女會做蝕本生意，因為完事之後，艷女就會開天殺價，開出比車資更高嘅價錢，明屈司機畀肉金，如果唔肯畀嘅話，隨時有彪形大漢出現！因此好多司機都被迫就範。除咗呢一類風俗娘艷女之外，亦有部分係同時經營情趣用品店嘅風俗娘，利用呢種方法吸引司機買貨。

肉誘買貨

呢類風俗娘就唔係吸引司機上時鐘套房，而係帶佢哋到位處橫街窄巷嘅小店。入到去之後，風俗娘亦會百般肉誘司機，而且方法則較多，例如播放一套三仔，利用三仔嘅誘人畫面同叫聲撻着司機，又或者拎出情趣用品同司機研究一番，研究嘅時候，風俗娘就會有意無意咁用情趣用品招呼自己，激情又誘惑嘅自娛場面，相信冇咩男人會頂得住。

除此之外，情趣用品店設有大量不同制服，風俗娘又會扮晒嘢咁話：「不如我換唔同制服畀你睇吓先啦！」跟住就去換出女僕裝、水手裝或競泳水着，以視覺效果誘惑司機。司機把持不住，風俗娘又做成一筆生意，而生意除咗有肉金之外，仲包括佢哋硬銷嘅情趣用品，的士司機真係大出血喇！

撰文：賢