所謂偏食，就是對某類食物有強烈的喜愛與厭惡感，同時有着明顯的偏好飲食行為。其實幼兒於一至三歲之間，便會開始對食物有喜好和厭惡的表現，對食物的味道、顏色、形狀等均有喜惡之分，所以很容易出現偏食情況，久而久之，更會變成習慣。作為父母，當然不希望自己的小孩出現偏食情況。不妨Click入ontv，看看《就係咁教：解決幼兒偏食之三大貼士》。
玩轉新煮意
不少小朋友都有偏食的習慣，喜歡吃零食，反而對正餐不感興趣。見到小朋友偏食的問題，不少家長都感到非常「頭痕」，想要改正他們卻又不知如何入手。其實要解決問題很簡單，而臨床心理學家鄒凱詩就為各位家長提供幾個實用小貼士。
首先，家長可以嘗試改變烹調方式，即在色、香、味或形狀上加以變化，例如小朋友可能比較喜愛一些香口或酸甜的食物，家長能間中烹煮相關菜式，自然可以刺激子女胃口。原來小朋友之所以喜歡吃零食，除了因為零食外表較為吸引外，亦因為味道較為刺激及豐富，只要提升小朋友對正餐的興趣，自然可以吸引他們進食。另外，家長亦可以讓子女參與其中，由購買材料到烹調，跟小朋友一起炮製美味食物，會令他們更覺滋味，從而增加食欲。
漸進式改善
此外，有些小朋友如果對蔬菜特別抗拒的話，我們可以用蔬菜做一些手工或印畫，提升他們對蔬菜的興趣,，減少他們對蔬菜的抗拒性，然後慢慢地讓他們一點點的試食。經過一段日子後,他們對蔬菜的抗拒性便會慢慢地消除，到時再調校回合理的蔬菜分量，自然能夠改善偏食的惡習，建立均衡的飲食習慣。不過鄒凱詩提醒各位家長，切勿強迫小朋友進食蔬菜，因為此舉可能會導致小朋友出現逆反心理，到時更難改正偏食的惡習。如果想知道更多有關育兒方法的話，大家便要留意ontv《就係咁教》的介紹。
Hot Click三甲
第一位：價錢牌一搣就甩
所謂物輕情義重，送禮主要係表示心意，但係送厚禮又怕對方受寵若驚，送薄禮又唔好意思，最好就梗係令對方發現唔到禮物嘅價錢啦！不過，要完全撕下禮物上嘅價錢貼紙唔係一件易事，《就係咁易》系列就介紹咗一個簡易搣價錢牌大法，只需要一個風筒就可以完成任務，Click上ontv就知道點做啦！
第二位：食藥有學問
生病自然要食藥啦！但其實食藥有好多學問，其中一項就係食藥時要飽肚，《醫健寶庫》系列就請來家庭醫生陳穎欣，指出食不同藥物之時會有不同情況，例如食非類固醇消炎止痛藥，由於有機會引致胃潰瘍，所以飽肚食為佳。而一類治療骨質疏鬆症藥物，飽肚食藥可能會胃氣上湧，令藥物成分湧到食道，令食道受損，所以空肚食為佳。另外，陳醫生亦指出有藥物連同其他食物一同進食有助藥效發揮，大家想知道係邊一類藥物，同時又想詳細了解食藥嘅學問，就要Click上ontv喇！
第三位：蚊患無晒
每逢落雨過後，好多地方都會出現積水，繼而引起蚊子大量孳生，如果大家唔想再忍受蚊子困擾，希望將佢哋一舉清除，除咗可以學政府宣傳片處理好積水問題之外，《就係咁易》系列又有法寶可以幫大家掃走蚊患，只需要一個杯、少許梘液，以及清水適量，至於點樣將三種材料運用，以及點解此方法有效清除蚊患呢？Click上ontv收睇《就係咁易》，大家就可以一清二楚。
撰文：賴以堅