諸葛梓岐前晚在又一城行騷，有指近期她身價上漲，支吾一輪她坦承此事：「我有加，加咗幾多就唔好講啦，係開心嘅，不過最緊要行騷有靚衫着。（知唔知Angelababy有過百萬代言酬勞？）勁囉！（你有冇？）公司安排。」

梓岐自爆為求儲錢，公司每年才過數給她一次，每月的開支則用零用錢，她說因為儲不到錢，公司才決定按年支薪，過數之時豈不是很可觀？梓岐說 ：「開心！最少都有六位數字，呢筆錢仲一年好過一年。（係咪錢一到手就fing晒？）冇使晒，有得剩，請屋企人出埠旅行係最大開支，但用嘅都係我賺番嚟嘅錢，我好孝順o架。」