楊梓瑤白肌示範耀眼銅妝

踏入夏天，又是騷一身古銅膚色的時候，而健康又sharp的古銅妝亦大行其道，熱爆今季彩妝界，最佳示範當然是日本樂壇天后安室奈美惠，蜜糖膚色與一臉Tan look襯到絕，但其實皮膚白淨的女生，好像美少女廚神楊梓瑤（Carol）一樣可以大化古銅妝，一樣可以Tan得起。

安室奈美惠的古銅妝已成為她的標誌，亦帶起了一股古銅妝熱潮，在每個夏天熾熱盛放，襯上一身蜜糖膚色，渾身散發健康魅力。很多人都以為古銅妝只適合膚色較Tan的女生，其實膚色白淨的女生同樣可以carry得到，還有助突出輪廓。

用金色眼影在整個眼窩打底，以深啡色由眼尾掃向眼頭，營造漸變效果。再以灰色眼線筆勾畫上下眼線，以同色眼影輕輕掃在眼線上，可令眼線更貼更自然。	在臉頰蘋果位掃上橙色胭脂，臉蛋即時流露健康色澤。	Cheek Puff兩用胭脂唇彩 $150
將橙色和Nude色唇膏混合塗於雙唇上。	鬆餅及車厘子雙色唇彩 $250。	把古銅閃亮碎粉掃在鎖骨和膊頭上，塑造Highlight效果。
夏威夷夏日古銅粉 $250。

勿用黑色眼線

經常為熊黛林、姚書軼、Ana R.、Lisa S.、Angelababy和Janice Man一眾模特兒化妝的專業化妝師Ling Yip就以jelly pong pong全新妝物為美少女廚神Carol化出古銅彩妝，以白滑肌膚演繹今夏Hit爆的安室Tan look。

Ling說：「膚色白嘅女仔化古銅妝可以更加突出輪廓，感覺型格啲，健康啲。妝容重點喺眼部，眼影要掃晒成個眼窩先凸顯到，用上古銅啡、金啡同橙啡今夏大熱嘅顏色，營造漸變效果，加強層次感同立體感，令雙眼更精靈更有神。眼線唔好用黑色，太造作同埋好似好重咁，用安室最鍾意用嘅深啡或灰色勾畫眼線會更加自然。胭脂用橙色調，臉色睇落健康啲，Tan colour嘅女仔就打斜掃喺臉頰度，皮膚白嘅女仔就可以掃喺蘋果位，唇膏都係用番橙色系或者Nude色就靚晒喇。」

品牌的妝物包裝走可愛路線，深受年輕少女喜愛，界女神Janice Man亦大讚漂亮，而她亦愛用持久眼影打底霜連眼影以及夏威夷夏日古銅粉：「佢隻胭脂比較貼又好薄，唔會好似啲粉狀胭脂咁快乾，顏色好自然。」持久眼影打底霜	Eyeko黑珍珠打底霜含豐富維他命A、C和E，維他命A和E可抗氧化，維他命C則能令肌膚充滿光澤，有效幫助肌膚抗衰老，使肌膚保持年輕。Eyeko黑珍珠打底霜 $190	今年的妝容都以眼妝為重點所在，眼部肌膚的保養絕對不可忽視。anatomicals no old bags allowed eye gel含香橙花及天然金縷梅精華，能有效紓緩眼部肌膚疲勞及收除眼袋，令雙眼回復神采。anatomicals no old bags allowed eye gel $60
Frilly Lilly紅糖唇部磨沙的紅糖成分，為櫻唇帶來溫和的磨沙功能，去除死皮，當中的維他命E可促進櫻唇新陳代謝，凡士林和蜂蠟就可滋養並減退唇紋。Frilly Lilly紅糖唇部磨沙 $110

文：張嘉敏 攝：林楠

化妝：Ling Yip

髮型：Milk（Xenter） 服裝：Roots