住家感覺
呢種「人妻廚房」服務，係由一間喺日本橫濱嘅人妻出張風俗店提供。呢間成立已有六年嘅風俗店，向以人妻作為賣點，專為鍾意食住家菜嘅玩家提供送貨上門嘅服務。不過呢類型嘅風俗店周圍都有，而價錢更係愈推愈低。喺互相以割喉式價錢促銷嘅情況下，倒不如推出另類嘅玩法，用以吸引玩家。因此，呢間人妻風俗店嘅老闆，便諗出既然人妻係上門服務，不如試吓讓人妻喺同玩家曳曳嘅同時，仲會炮製番幾味，等佢哋享受到食同色嘅樂趣嘅同時，又能為單身男士，提供溫暖嘅家庭感覺。
由於人妻要為玩家炮製住家菜關係，為免人妻所煮食物唔合客人嘅胃口，故此風俗店對提供有關服務嘅人妻，要求十分嚴格。據風俗店老闆小沢先生表示：「每個提供呢種服務嘅風俗娘，我哋都會讓佢哋事先接受為期一個月嘅培訓，請嚟烹飪導師傳授廚藝，讓佢哋嘅手藝能夠出得廳堂。」
體貼溫柔
除咗對廚藝有嚴格嘅要求外，人妻喺煮餸嘅同時，仲要搞吓氣氛，好似跳吓艷舞、同玩家傾吓心事等，從而燃起玩家嘅情緒。曾經試過呢個服務嘅玩家阿智表示：「我對人妻一直都有極大嘅興趣，事關我既係單身寡佬一個，又要長期留喺日本工作，希望能夠得到成熟女士嘅慰藉。同事知道我有咁嘅興趣，於是便推介呢間風俗店畀我。」
阿智聽到呢間係風俗店時，起初以為佢同一般風俗店冇乜分別，只不過係提供一般嘅人妻服務而已。點知打電話去預約時，對方卻力推一種名為「人妻廚房」嘅服務。阿智笑道：「聽到人妻不但可以曳曳，仲會親自落廚煮住家菜，呢種玩法真係聞所未聞，於是決定試吓。」
揀選好心水人妻後，阿智便坐定喺屋企，等人妻送上門。此時，阿智突然收到人妻美美嘅電話，原來佢打電話嚟問阿智想食乜餸，好讓佢能準備材料。阿智就話：「聽到佢溫柔甜笑嘅聲線，嗰刻仲以為我哋真係兩夫妻，認真溫馨！」
玩轉人妻
美美嚟到後，先換上性感無比嘅內衣，然後走入廚房煮飯。阿智見到美美玲瓏浮凸嘅身材，即時色心大起。正當佢想抽水之際，美美突然將佢推開，然後喺廚房度同阿智跳貼身舞，搞到阿智慾火一發不可收拾。阿智將美美就地正法後，飯亦剛煮好。阿智就話：「估唔到美美嘅性愛工夫一流，廚藝亦相當有水準，最重要就係曳曳後，同佢喺度撐枱腳，感覺非常特別，令人有食過翻尋味嘅衝動。」
雖然呢種玩法過癮，但費用卻不菲。首先係食材費用，全數由客人支付。其次就係呢個為時四小時嘅服務，全個套餐就要八萬日圓，折合約為六千四百港元，確實乸脷非常！不過阿智卻唔係咁認為，佢覺得：「有個咁索嘅人妻，以一身極度性感嘅打扮，為你炮製具有住家風味嘅美食，仲要提供埋貼身服務，呢個價錢已經非常合理。」
撰文：阿豪