本文重點
導演葉偉信今年憑着電影《葉問》角逐今屆金像獎「最佳導演」獎，對於攞獎信心？他說：「唔識講，信心係有，但我對攞獎與否就冇乜所謂！」葉偉信○○年曾憑《朱麗葉與梁山伯》獲得同樣提名，轉眼已是九個年頭，葉偉信直言「九年」這個時間真的很長：「當年我嘅對手係一啲前輩導演好似杜琪峯、李安咁，真係提名都已經幾開心，當時我同自己講三年後要攞到呢個獎，點知一等就等咗咁多年。」
建議增加提名
今年《葉問》共獲十二項提名，其中甄子丹「最佳男主角」的呼聲不俗，葉偉信亦很希望對方能攞獎，至於在戲中同樣有出色表現的熊黛林，卻沒有獲提名「最佳新演員」，葉偉信對此大表可惜，他表示：「熊黛林冇得提名，我覺得係一件極之可惜嘅事，因為始終提名係對一個新人好好嘅鼓勵，我覺得金像獎可以考慮增加六、七個提名，鼓勵下啲新演員，以我個人意見，我覺得熊黛林表現好過林志玲，所以對熊黛林唔能夠入圍感到好可惜。」