口齒伶俐
家陣啲女仔真係好現實，除咗要求男友有錢有學識、有時間陪佢哋之外，男友嘅外表一定要高大有型。當然，有幾多男人能夠滿足晒以上嘅要求呢？各位男士點算好呢？唔使驚，因為女仔擇偶仲有一個特別準則，就要識得氹得佢哋開心喇！
喺澳門打×1浴室工作嘅靚女瀟瀟亦表示，最鍾意口齒伶俐又有幽默感嘅男仔，瀟瀟話：「老實講，我就唔會好似細路女咁，每日都夢想自己可以搵到個好似金城武咁靚仔嘅男朋友。因為世界上有幾多靚仔吖？若然識唔到靚仔就唔拍拖，容乜易變老姑婆喎！另外，我亦都認為男人嘅外表只係其次，最重要就係佢哋可以同我有充分溝通，同我傾偈嘅時候能夠暢所欲言咁就最好喇！因為以前我曾經遇到一個幾有型嘅男仔，可惜佢真係虛有其表，唔單止講說話口窒窒，而且講說話一句起兩句止，一傾偈就知佢冇內涵，所以，我以後都冇再見佢喇！」
把口夠甜
瀟瀟你嘅要求又好似高咗少少喎！因為好多男仔其實都係怕醜仔，面對女仔嘅時候都會口窒窒，若然要面對好似瀟瀟你呢種香艷小花，更加會出現持續性口吃添！咁又唔怪得個男仔喎！瀟瀟嘅好姊妹阿姣此時表示，口窒窒實在都唔係大問題，最慘就係唔肯講說話，又點可以成功氹到女仔開心呢？
阿姣話：「你哋男人都知啦！女仔好鍾意人氹㗎！講句說話都唔得流暢，又點氹到人呀！其實，要令我哋開心真係好簡單，只要把口甜少少就可以啦！例如讚我哋今日件衫好靚、身材好Fit之類，就已經可以令我哋歡欣雀躍啦！不過，有一點要留意，就係讚女仔之前要細心觀察一下，當日約會嘅時候，嗰個女仔比起平日有乜特別之處，例如戴咗新嘅髮夾、新嘅手鏈咁，只要你睇得出，就針對一點嚟讚佢，保證可以令佢冧到震呀！」
言行一致
坦白講，口甜舌滑並唔係咁容易掌握，特別係對於好似小記一樣又怕醜又內向嘅男人嚟講，真係頗為困難，點算好呢？
瀟瀟又話：「唔識得口甜舌滑都唔緊要，因為成日口甜舌滑，好容易令女仔講得你口花花唔真心㗎！而講到真心，女仔就最鍾意男仔言談之間透露出有幾真心喇！至於點先可以令女仔知道你夠真誠呢？其實都好簡單，就係一定要言行一致，唔好成日同女仔大開空頭支票。因為女仔最憎就係畀人呃，所以大家都會發覺，女仔提出分手嘅原因，其中一個就係因為男仔唔能夠兌現承諾，例如女仔會喺分手嘅時候話『你又話會送部手機畀我，最後都係冇送到』，又或者『話會同我去旅行，家陣又話太忙唔去得』。事實上，女仔經常都將男仔嘅戲言當真，不過又唔可以怪女仔太傻㗎！事關交往應該真誠相對，男仔講嘅每一句說話都應該出自真心吖嘛！所以，大家千祈唔好口爽爽，每次提出承諾都要言行一致呀！」
瀟瀟 Profile
年齡：23
三圍：33、23、33
興趣：睇小說
阿姣 Profile
年齡：22
三圍：34、22、33
興趣：睇戲
撰文：賢
攝影：強