本文重點
擅長拍攝動作電影的導演陳木勝，過往曾四度提名「最佳導演」，由充滿信心至順其自然，如今憑英皇電影《保持通話》再度獲提名，那股沉寂已久的野心，隨即被喚醒，獎項對陳導演來說雖然並非「重要」，但卻是「需要」！
已是第五次獲提名金像獎「最佳導演」，陳木勝坦言有壓力，但他笑謂：「4次落空，可能商業片同動作片的確係難，反而有藝術成分嘅戲，喺影評人角度會睇先囉！既然動作片係咁難入圍都可以有提名，其實都已經係好事。」
轉型拍藝術片
商業動作片獲獎機會少，可會嘗試轉拍藝術片？陳木勝點頭謂：「都會，我唔識得講好藝術，但有時都心思思整番啲有戲味嘅嘢，呢個係自己計劃，到第時人哋認為我冇乜用嘅時候先再轉囉！」滿腦子構思的他更曾提出拍攝另類電影，可惜投資者還是建議他拍攝擅長的片種，令他哭笑不得。
對於獎項的期望，陳木勝笑謂：「第一年試過套戲9個提名攞兩個獎，但自己冇，嗰一刻係有少少失落，不過感覺過一排就冇，其實獎項對每一個導演嚟講算係一種刺激、認同同鼓勵，重唔重要？我覺得現階段自己係仲有空間去追尋嘅。」