第二十八屆香港電影金像獎今晚揭盅，影帝、影后候選人當中不乏新面孔，甄子丹力敵「攞獎王」梁朝偉，徐熙媛惡鬥「提名王」林嘉欣；最佳電影、最佳導演則由已挾香港電影評論學會兩具獎座的許鞍華，會戰吳宇森、杜琪峯。甄子丹形容其餘四位影帝候選人對他來說是強敵環伺，大Ｓ則坦言對手太強，出席也只是為表支持。
雖然長了他人之志，但畢竟每個「攞獎王」、「提名王」其實也是由零開始，誰又敢說子丹與大Ｓ不可以？
甄子丹入行27年，首度獲提名「最佳男主角」，他坦言幕後獎項拿得多，是時候挑戰自我，他亦承認近年才真正開始鑽研演技，懂得「動作演員亦有演技，並不只是耍功夫！」
甄子丹19歲開始做主角，做過導演、動作導演、動作設計，今年首次憑《葉問》獲香港電影金像獎提名「最佳男主角」，打入候選人之列，甄子丹直認對自己的演出有信心，對其他候選人亦非常欣賞，他說：「入圍嘅每個演員都有一定年資，每個都做咗咁多年，邊個攞就真係要睇評審，梁朝偉係咁多屆影帝，任達華又咁多年，張家輝我同佢合作過，古天樂又唔錯。」
受李連杰啟發
甄子丹坦承近年才開始鑽研演技，縱使多年前曾獲提名過「最佳男配角」，甚至憑執導影片獲提名「最佳導演」及「最佳影片」，但一直不太懂得演技，他自嘲說：「以前係自己唔知自己演乜，可能係到了某個階段，想證明畀自己睇，幕後攞咁多次獎，係時候挑戰自我，亦可能係因為李連杰攞獎畀我啟發，原來動作演員都會得到大家認同。」
對於演繹葉問這個角色，甄子丹下過不少苦功，他說：「我畀咗好多心機，希望演到最細膩，畀大家睇到另一個甄子丹。第一次提名男主角，攞到當然開心，攞唔到都雖敗猶榮，反而依家拍第二集好有壓力，要諗點樣突破。」
太太身上學習
雖說以平常心面對，但也不能不想想上台領獎時要感謝的名單，甄子丹想也不想便說：「一定係我太太，無論得唔得獎我都好多謝佢，以前嘅我唔識同人相處，加上有啲怕醜，個樣又惡，完全唔識同人溝通，太太成日提我笑多啲，呢幾年喺佢身上我學到好多嘢，雖然佢細我18年，但係畀到好多嘢我，改變我好多。」