白韻琴與謝偉俊（阿Paul）經歷一場情海翻波，雙雙結伴往澳洲度假回來，前晚一齊出席首映，搭住膊頭恩愛如昔，上台拍照後阿Paul更主動拖實白姐姐落台，兩人雖沒有停下接受訪問，但全程微笑示人，回復往日融洽關係。
而白姐姐接受電話訪問，透露阿Paul搬回愛巢，而阿Paul被問到兩人註冊結婚一事時表示：「呢啲係風水註冊！」問點解，阿Paul不肯解釋，白姐姐說：「同小甜甜風水遺囑一樣，唔合法啩，可能阿Paul唔肯認我，咁都好，大家維持男女朋友關係，仲甜蜜啦，又自由啲，仲可以去結識新嘅異性，好多朋友都話我仲有吸引力㗎！」
此外，阿Paul昨出席公開活動時，形容與白姐姐的澳洲之旅好開心，但承認因為立法會工作太忙，惹來白姐姐埋怨，雙方感情有減退危機，但否認與傳聞中的第三者有關，他說：「我都未見過傳聞所講嗰個女人，我的確係忙咗，以前成日同佢出雙入對，依家成日一個人出席做嘢，感情係有多有少，可加可減咁，（係咪好多朋友勸你唔好帶白姐姐出席咁多公開活動？）唔多，只得一個，唔講邊個。」