麻甩佬音響迷揀喇叭，條件多多極麻煩，非高音甜、中音準、低音勁不收貨，但女仔揀喇叭就簡單得多，只要外形得意可愛已經合格有餘。這四款尖沙咀g.i.商場新引進的可愛動物喇叭仔就完全「中晒」女性市場，外形得意可愛，有熊貓、青蛙、兔仔及貓仔造型，驟眼睇以為只是得意匙扣，原來內藏喇叭單元，一駁上MP3機就能隨時隨地聽歌煲碟，雖稱不上靚聲，但起碼清晰響亮，放在辦公室枱上既可當擺設，工作悶悶哋時亦可聽聽歌調劑一下。
撰文：周仲明 攝影：陳世昌 查詢電話：3188 5273
