本地時裝設計師鄧達智早前隻身到被西方國家形容為「邪惡軸心」的伊朗及也門旅遊。他坦言出門前的確忐忑不已，因兩國感覺上危機四伏：「去到分分鐘被人捉咗失咗蹤都唔知咩事！不過人一世物一世，點都要去吓。點知去到竟然發現係另一個國土！」
鄧達智謂伊朗婦女因受宗教警察的監管，故仍要蓋頭巾上街：「其實蓋頭巾都係象徵式，佢哋唔單只靚，仲好熱情，我都試過喺街被邀去派對，好開心！」作為時裝設計師，最大得着就是欣賞到當地人民的傳統服飾：「依家好難搵到仲會着傳統服飾嘅國家，成條街啲人着到五顏六色，感覺好正！」離開大城市，鄧達智曾走到近海拔2000米的高原地帶，卻頭痛欲裂，差點患上高山症。
