「街霸」熱潮仍強橫，SCEH更在嚟緊的半個月內大搞「Street Fighter Ⅳ」打機大賽以及《街頭霸王4》漫畫手稿展覽，由4月1日玩到4月13日。今次SCEH將會連同十多個商場舉辦有關「街霸」活動，全數都在新界地區，主力將會係展出《街頭霸王Ⅳ》漫畫手稿展同打機比賽決賽的屯門時代廣場，漫畫主筆許景琛將會在4月5日到場簽名以及與機迷對打，住港島、九龍或新界東的機迷就可以當Day Trip去朝聖。至於想參加打機比賽的朋友，因初賽會分日兼在不同商場舉行，有興趣想奪得機王之名，再同韓國、台灣高手一決高下，就最好先到官網睇清楚賽程時間啦！
撰文：布偉倫
網址：asia.playstation.com