絲絲講場：滙豐推動環保 探「塑」潔淨水域
絲絲本身係環保中堅分子，亦好欣賞啲企業為環保出一分力！滙豐銀行近日推出咗一個為期3年嘅「滙豐探『塑』潔淨水域計劃」，滙豐香港區行政總裁施穎茵話，香港塑膠廢物問題愈來愈嚴重，對生態圈構成好大傷害。為咗下一代，一定要保護海港同水域免受污染，仲話一個完整嘅方案需要各方努力，先可以邁向可持續嘅未來！
收集海上廢物 循環再造
呢個計劃係滙豐同本港非牟利組織潔淨水域行動（Clean Waterways Initiative Ltd.）合作，有4艘透過零碳排放、太陽能推動嘅船，每日游走維多利亞港同香港仔海旁，收集大件垃圾或發泡膠粒等細小嘅廢物，再喺船上分類同送去循環再造。
絲絲聽講呢個計劃做得好徹底，包埋一系列社區教育活動，例如安排學生同社區組織出海視察、畀學生同滙豐義工參與處理塑膠垃圾嘅過程，增進保育意識！可惜絲絲已脫離學生妹年代，否則都可以出海視察！