絲絲講場：發達首要條件？股神話係零卡數

慳番嘅利息好過去投資

外媒報道，據Creditcards.com網站調查顯示，好多美國人都孭住信用卡欠款，約59%持卡者或1.1億位成年人，早喺疫情爆發前就有信用卡債務。對此，「股神」建議，如果有能力償還信用卡金額嘅話，最好就盡快還清卡數！

佢回憶有位朋友近期賺咗一筆錢，苦惱唔知用筆錢做咩好。巴菲特二話不說，反問呢位朋友有無欠落卡數，結果佢真係還緊高達18%利息嘅卡數。跟住巴菲特同佢講：「如果我係你，第一件事就用呢筆錢還清債務，咁樣比做任何投資都好。」

巴菲特解釋，還清卡數慳番嘅錢，一般比投資股市或者房地產所能夠賺嘅更多。因信用卡利率過高，連巴菲特自己都唔知點先可以賺取18%利息。資料顯示，截至二○年五月，美國信用卡的平均利率為16%。股神勸勉：「孭住咁高息嘅卡數，生活點會更美好？」

余絲韻