絲絲講場：日本取消演唱會累埋中國？
絲絲有唔少姊妹都好迷日本文化，以往不時會飛去日本睇女子樂隊AKB48演唱會，但隨住新冠肺炎擴散，有唔少演唱會取消，連同整個日本粉絲經濟都受到打擊，估計損失可能達到34億至56億港元。不過，據說影響最大嘅，反而係中國工廠。
國產粉絲商品需求挫
所謂日本粉絲經濟，是一個很籠統嘅概念，包括明星、動漫、遊戲、雜誌，甚至係一間餐廳，基於一個品牌同影響力衍生出來嘅周邊商品，都可以歸納為粉絲經濟。周邊商品包括手辦模型（Figure）、日常生活用品及徽章等，其中最受歡迎的就是手辦模型。
而呢啲周邊商品，據報，超過90%係由中國生產，極少數喺本土完成。目前日本粉絲經濟周邊製造工廠，主要分布喺珠三角大灣區（佔超過50%產值）、長三角同埋山東青島。
舉個例子，有大多數明星粉絲周邊產品一向係直接運到演唱會現場出售，但依家好多演唱會取消，倉儲亦會讓成本激增，所以只能大量削減訂單。
余絲韻