呢期金融市場至Hit嘅話題，當然係油價勁插！絲絲都因為呢場石油危機，搞到炒燶股，蝕咗少少身家！
到底啲現時油跌到幾殘呢？絲絲都做過吓Research （口架），前兩日油價一度跌到每桶30美金都唔值，就算計每桶30美金，都係平到你唔信。一桶30蚊美金原油大約等於158.98公升，即每公升約0.19美元（約1.48港元）。貼地啲睇埋蒸餾水價格，以1公升售價約8港元計，係國際原油價格嘅5倍有多，名副其實「油不如水」。若果以一公升可口可樂計，更加係原油嘅10倍！再用牛奶嚟比較，香港一公升牛奶大約賣23蚊，咁即係油價嘅15倍。
咁樣講法，絲絲係咪可以入平油，然後同Oppa去遊車河？咁又未必！皆因香港汽油售價一向都被評為「加快減慢」，再加上政府徵收嘅燃油稅都佔咗零售價超過三成，做車主真係慳極有限！
余絲韻