絲絲講場：雷蛇又出位夥蔚來推電動車

限產88架 無電競元素

呢架車個名好型仔，叫「ES6暗夜探索者限量版」，只出產88輛！咁佢有乜特別？車身配有雷蛇標誌、碳纖維貼膜、定製尾標、設計套裝等，內籠就有雷蛇Chroma幻彩燈效，配埋公司旗下THX空間音效技術，即係達影院級數。不過講真架車無咩電競成分，鍾意打機嘅粉絲可能要失望嘞。

叫得限量版，價錢當然唔平，盛惠46.78萬元人仔，比基本版貴大約三成。不過睇粉絲喺雷蛇行政總裁陳民亮社交平台嘅留言，似乎大家期待出雷蛇多士爐多啲！

余絲韻