美景兩房574萬易手

面對價高盤少，買家入市分秒必爭。一對原先「歎慢板」的準結婚人士，在升市下積極睇樓，終以574萬元購青衣美景花園兩房戶，更即晚送訂予賣方手上。

中原許偉業指，單位為12座低層F室，原嗌580萬元，略減6萬元沽，呎價13,538元。買家半年前僅靠上網及報章吸納資訊，眼見樓市急升，即加快睇樓。雖曾洽購同區翠怡花園單位，但部分業主即時封盤，終轉移目標。

近期細價盤相當搶手，消息稱，大埔嵐山3座高層H室開放式戶，實用面積179方呎，以378萬元售出。單位呎價21,117元，為屋苑今年首宗呎價升穿兩萬元個案。

而部分業主成功大幅獲利出貨。中原鍾宏遠稱，屯門雅都花園B座高層F室兩房戶，成交價560萬元，呎價13,145元。原業主於○三年入市，單位至今升值480萬元或6倍。