絲絲講場：閱文推電子書撼亞馬遜

支援SIM卡同4G上網

閱文集團（00772）日前喺中國數字閱讀大會上透露，稍後將推出可以打電話嘅電子書，叫做「口袋閱」。

雖然電子書並唔係新鮮嘅嘢，不過可以同時支援流動電話SIM卡同4G全網通就少見喇。

「口袋閱」可以隨時隨地下載同閱讀網絡文學書籍。當然仲可以睇埋閱文集團海量嘅正版文學書，仲有埋聽書嘅功能添。叫得「口袋閱」，Size應該就同褲袋差唔多大。據悉，「口袋閱」輕過普通閱讀器三分一、體積比一般閱讀器細一半。屏幕方面，同Kindle一樣係用墨水屏幕。

閱文集團話，「口袋閱」係首部能夠支援營運商網絡嘅電子閱讀器，而閱文推出嘅目的係想用戶同閱文平台可以實現無縫銜接，提升平台吸引力。

余絲韻