近日有外媒爆料，話全球最大嘅電子商務公司亞馬遜牽涉「竊聽風雲」。原來亞馬遜喺全球僱用數千名員工，監聽旗下智能揚聲器Echo嘅用戶，喺屋企與辦公室同Echo嘅專屬語音助手Alexa嘅對話，並進行錄音。
呢啲錄音材料會被轉錄、註釋，然後反饋到軟件，目的係消除Alexa對人類語言理解嘅障礙，變得更聰明。
知情人士透露，監聽團隊每日工作9個鐘，每個人要分析達1,000個音頻片段。其實呢份工要聽日常談話內容都幾悶，但偶爾總會聽到Echo用戶無意中洩漏嘅私隱，或者會聽到令人不安嘅錄音。
不過，亞馬遜發言人話，公司有嚴格嘅操作措施用嚟保障私隱，對濫用監聽系統係零容忍，而且所有錄音都會被高度保密。
余絲韻