絲絲講場：P相未夠美圖執靚埋真人！

公司聯合創辦人兼首席執行官吳欣鴻尋日喺RISE科技峰會上話，現實美就係健康美，過往用戶依靠個人經驗揀護膚品，依家公司會運用人工智能檢測皮膚特性，仲成立咗美圖醫學護膚平台，同皮膚科醫療團隊合作，用遺傳基因學等方法研究用戶真正嘅皮膚問題，再提供度身訂造嘅解決方案咁話。

至於虛擬方面，佢哋亦搞緊新突破。以往大家P圖掛住集中「瘦面」，佢哋話要靚，就要由頭靚到落腳，所以搞緊透過骨骼識別技術，智能自動調整完美身形比例。即係P埋個身？

佢哋仲話，加埋面部3D虛擬形象，幫你搞個完整嘅虛擬3D化身，你本尊嘅表情動作，可以實時與虛擬3D化身同步，到時用個3D化身喺虛擬世界度點社交都得！

股價唔靚 上市以來最低

不過講到靚，公司股東未必Feel到，美圖股價尋日曾低見6蚊，上市以來最低，今年走勢絕對唔能夠用個「靚」字嚟形容囉。

余絲韻