雖然首次代幣發行（ICO）被中國政府明令禁止，但內地區塊鏈技術嘅ICO白皮書代寫產業鏈仍然蓬勃。
區塊鏈潮流帶動咗區塊鏈白皮書代寫，成為成熟產業。內媒以區塊鏈白皮書作關鍵字，喺內地網上搜索，出現大量有區塊鏈白皮書代寫業務嘅公司。
而呢啲代寫ICO白皮書，原來每月平均有成1,825單生意，代寫價格從5,000至20,000元（人民幣‧下同）不等，多數喺15,000蚊左右。若再細分收費，白皮書標準20頁收1.5萬元，45至50頁收4萬元，僅限中文版。若要代寫英文版，就加碼到7,000至10,000元不等，基本上7至10日交到貨。
而代寫白皮書嘅公司表明不接受議價，但保證代寫嘅白皮書係最專業嘅。
之不過，為防範虛擬貨幣領域融資活動產生嘅金融風險，舊年九月四日，人行等七部委聯合發公告，立即停止各類代幣發行融資活動。但分析稱，ICO在其他國家和地區仍有市場，呢類白皮書產業鏈自然有生存空間。
余絲韻