各位寵物主人，唔知大家每個月要用幾多錢去養你哋嘅寶貝呢？
原來隨着新興市場經濟增長加快，城市人口愈來愈多，賺多咗錢嘅同時，工作壓力亦相當大，佢哋會透過寵物去紓緩壓力，引來一股寵物銷售熱潮，特別係貓貓，就最受歡迎。
之不過，唔好以為「貓咪經濟學」只可應用喺日本呀，原來中國嘅「貓奴」急增，並且主要都係大城市嘅80後同90後。市場調查機構歐睿國際（Euromonitor International）就預測，中國嘅貓糧消費去到二○二二年將會達到140億元，仲多過日本呀。
佢哋好捨得買嘢俾啲「仔女」（口架），有內地網購平台上年同貓相關嘅產品銷售額有84億元人民幣！所以日本寵物相關企業都捉實呢個商機，上載可愛貓咪相去社交平台做宣傳，努力擴大亞洲嘅業務，除咗中國之外，仲將銷路擴大到泰國、馬來西亞、印尼等。
余絲韻