做金融嘅你擔心畀AI與機器取代？Sorry，機器「殺人血案」已經喺華爾街大行高盛發生，仲好血腥。高盛總裁David Solomon話，佢哋嘅股票交易員15至20年前有500人，依家Cut剩3個！
Solomon日前喺美國加州比華利山舉行嘅梅肯研究院全球會議上講到，交易業務引入更多科技能更高效率咁服務客戶，但亦帶來新風險。就以高盛嚟講，新技術改變咗人手組成。即是請多咗電腦工程師，依家有9,000名咁多，更多嘅係負責專注合規監管嘅員工。
佢話，高盛投入咗巨額資金喺機器學習，以往績推算市場運作，佢仲講到明「速度比資本重要得多」！更重要嘅係，咁樣講嘅呢位Solomon會係高盛下任掌門，係佢哋行政總裁布蘭克費恩早排講嘅。
余絲韻