坐高鐵係身家清白象徵！中證監宣布，五月一日起，內地證券與期貨領域內兩類失信行為者禁坐火車高級別席位同高鐵，連民航機亦唔准搭，以作懲戒。
邊兩類失信行為？第一類係因證券期貨違法被罰款，但過期未繳；第二類係作為上市公司負責人逾期無履行公開承諾。
至於唔畀坐嘅火車高級別席位，就包括列車軟卧、G字頭高鐵列車全部座位、其他動車組列車一等座以上座位。
諗住博懵搭？怕且唔得，事關中證監會定期將懲戒名單交畀鐵路總公司同內地民航局，上榜者禁搭一年。想搭飛機同坐火車高級位？清晒罰款先講。
余絲韻