「有食唔食，罪大惡極」這句老生常談，是自己近期作戰的最佳寫照。次次見到曙光初現衝出去買，升一小段不捨得沽，結果轉頭由贏變輸。其實和去年淡友的情況差不多，怪不得人家講到如何實牙實齒都好，到了中後期已經睇淡唔做淡，又或者食鋪雞胡已經當作光宗耀祖，逆市操作過程中的折磨，的確相當難頂。
不過，自己還是會堅持，因為做好和做淡，在防守力上有極大的差別。做好是可以透過注碼控制，來限制最大損失，而且喜歡的話，股票死守一世亦無問題。可是直接沽空可以是無底深潭，買Put就要面對時間值消耗，風險大得多，彈性亦不夠。睇淡唔做淡無可厚非，睇好的話不多不少也應該落例飛捧場。
周一晚美股的攻勢太凌厲，執行紀律減了倉，暫時應該避一避風頭，始終近年升得太多。反而港股之中，消費股及濠賭股固然貿易戰免疫異軍突起，連內銀也有起色。
講到千軍萬馬風聲鶴唳，沽來沽去恒指也是守在三萬點邊緣，不但沒有那種行將就木的感覺，反而令人覺得好友讓完幾招之後會有力反擊，所以順水推舟，將更多注碼搬過來這邊便算。
如果有留意日本股，就知當地大批消費品牌股正在創新高，應該是炒中國市場概念，印證大家愈益重視中國，香港佔有地利，又不似A股被CDRs擴容憂慮鎮壓，應該頗有希望。
豐盛金融資產管理董事 黃國英（作者為註冊持牌人士）（本欄每周逢一、三、五刊出）