絲絲講場：鷹君爭產 羅啟瑞：和解方案無人應
鷹君集團（00041） 羅氏家族爭產風波和解機會好渺茫。羅家孻仔羅啟瑞尋日話，佢一個月前向哥哥姐姐開出嘅免打官司方案，方案仲有兩日，但依家都無人應。
事緣羅啟瑞三月初開出一個方案，叫兄姐如果幫媽媽羅老太（鷹君創辦人之一羅杜莉君）完成心願、唔使打官司攞番晒家族信託所有資產嘅話，佢承諾喺原本家族資產應得份額外唔會多貪一毫子。
近年再沒全家一齊拜山
清明節就到，聽羅啟瑞講，羅家一向喺清明正日以外搵日全家兄弟姊妹去祭祖，但近年各人意見不合後，就再無全家人去拜山。
講番羅老太要求撤換家族基金受託人滙豐國際信託一案，單案五月先開審，聽講預定要「加時」，羅老太現時98歲，話唔定要審到佢100歲。
余絲韻