絲絲講場：格力董明珠送8萬層樓畀員工？

小鮮肉接棒須符4要求

話就話係好時機，但想做明珠姐接班人嘅小鮮肉唔易，佢要符合晒4個要求：「一要用心；二要忘我；三要執着；四要有榜樣作用」。明珠姐話依家睇得上眼嘅小鮮肉都有幾個，不過仲要睇吓佢哋可唔可以有「放下小我，成就大我」嘅胸襟。

雖然未知下屆董事長係邊個，但佢將會面對一個難題，事關董明珠除咗講過接班人，仲講咗一項羨慕死隔籬嘅員工福利：「讓八萬員工，每人有一套兩房一廳嘅房子。」員工做到退休，就可享福利。其實格力都有向已婚員工提供住房，但明珠姐想將福利推廣至所有員工，因為佢深信為員工創造良好嘅工作同生活環境，企業先會蒸蒸日上。

每人一層樓盛惠280億

不過有人估算如果八萬個員工都可享福利，總共需要280億元人仔成本，至少要消耗格力電器一五加上一六年嘅淨利潤，仲要未計通脹同成本增加等因素！睇嚟下任嘅董事長真係要做好呢份工，先可以兌現明珠姐開嘅支票喇！

余絲韻