絲絲講場：梵高瘋人院畫作大款6.3億癲價買
擁有250年歷史嘅英國藝術及奢侈品拍賣行佳士得（Christie's）剛剛喺美國紐約舉行拍賣會，以高達8,130萬美元（約6.3億港元）售出荷蘭後印象派畫家梵高（Vincent van Gogh）的藝術畫作，據悉能夠出得如此天價嘅買家係來自中國！
根據佳士得官網介紹，呢幅名畫係梵高於一八八九年嘅名作《Farmer in a Field, St. Remy》，當時梵高入住瘋人院前後一年，期間創作出多幅知名畫作，幾乎全部都在拍賣場以高價售出，上述藝術品正係由瘋人院望出去嘅景觀。絲絲勢估唔到，呢幅畫作受到一位中國神秘買家嘅青睞。
競投名畫過程相當緊湊，底價為4,200萬美元（約3.2億港元），由佳士得主席Marc Porter親身代表一位買家率先將叫價提高至5,500萬美元（約4.2億港元），這位買家競價要由主席代勞，明顯非泛泛之輩，其後中國神秘買家加入戰團，期間參與競價嘅有來自中國、印尼、台灣及日本等亞洲富豪，最終由呢位中國客以逾6億港元癲價成交。
余絲韻