絲絲講場：股神教初哥咪試「即日鮮」
近排新經濟股主導環球嘅新股市場，唔少投資初哥希望抽新股，等首日爆升即沽。初哥應該點做？不如聽聽「股神」巴菲特嘅意見！
究竟分散投資係咪永遠正確？巴菲特就唔太認同。佢話：「投資多元化係畀唔識投資嘅散戶，如果你有投資經驗，應該係選擇少數你有信心嘅股票長期持有。」
巴菲特相信「99-1法則」，就係投資者通常只會靠1%的財經新聞而做出買賣決定，例如睇到某公司收入跌10%，係利淡，就立即沽售股份。不過，如果間公司係百年老店，業績起跌其實好正常。故此，巴菲特絕對唔會因為1%新聞而忘記嗰間公司嘅99%新聞。
最後巴菲特十分相信「買入後持有」，絕唔同意「即日鮮」，呢樣嘢正係散戶投資大忌，佢話如果你冇打算揸隻股票10年，就唔好買入，甚至連1分鐘都唔好持有。
余絲韻