Visa近排有個調查顯示，喺芸芸信用卡獎賞當中，大部分嘅香港人會首選現金回贈，尤其係一班年齡介乎18至24歲嘅年輕人，佢哋入面近七成都喜愛「現兜兜」嘅現金回贈，唔知你係咪呢班「現實一代」呢。
整體嚟講，首選現金回贈嘅受訪者高達73%，因為貪佢夠方便、實際價值較高。往時大家搏晒命儲嘅飛行里數，今時嘅受歡迎程度只係排第二。
香港消費者嘅精明程度當然不在話下，連Visa香港及澳門地區總經理戴嘉倩（Caroline Ada）都話，香港人喜愛定位清晰、易明同簡單直接嘅支付產品，現金回贈就啱晒消費者胃口。
余絲韻